Festa 2016

Festa 2016
Festa denja u suċċess ieħor...

Il-festa 2016 immarkat suċċess ieħor għall-Każin tal-Banda San Gabriel. Fuq kollox il-Banda San Gabriel kisbet unur ieħor bil-Programm Mużikali Annwali li sar il-Ħamis fit-Tieni Jum tat-Tridu. L-ewwel parti tal-Programm Mużikali ta ġieħ lejn is-suċċess tal-Kunċert Strumentali fit-Teatru Manoel filwaqt fit-tieni parti, kienet iddedikata lill-grupp leġġendarja Queen bis-sehem tal-kantanti Gianluca u Dorothy Bezzina. Fuq nota oħra sabiħa, il-bandist tal-post Adrian Farrugia għamel solo fuq il-kitarra klassika fis-silta Aranjuez mon amour. U xi ngħidu għall-marċ brijuż tal-Aħħar tat-Tridu! Stennija kbira minn dawk preżenti għat-tlugħ stupend tal-istatwa tal-Arkanġlu San Gabriel fuq il-pedestall fost briju kbir mill-Balzanin u dawk preżenti. It-3 baned mistiedna: Il-Banda Marija Annunzjata ta’ Ħal Tarxien, Il-Banda Cittadina King’s Own tal-Belt Valletta u l-Banda Spinola ta’ San Ġiljan taw sehmhom fil-festa tagħna wkoll. B’xorti ħażina, fi tmiem il-festa, qatret ftit tax-xita u l-istatwa tal-Lunzjata daħlet mal-ewwel fil-Knisja. Grazzi lil dawk kollha li taw sehmhom u bis-saħħa t’hekk stajna ngħidu li għal sena oħra kellna Festa denja u suċċess ieħor.